أخر الأخبار
الخميس. مارس 28th, 2024

كلشي كيسول وا علاش : كاين اللي قابل وكاين اللي مستغرب وكاين اللي إختار إقاطع من حقوا 

ديسمبر 3, 2021
IMG 20211203 WA0101

○●○ مع الحدث ○●○

 

المقهى هي فضاء خاص كيتجمعوا فيه أشخاص أو جماعة ، والغرض منه شرب مشروع ” قهوة / براد أتاي” أو تناول أكلة معينة كيفما كانت حسب شنو طلب ،  حتا لهنا مزيان ونقدرو نقولوا أنه مكان كيتداولوا فيه الناس دردشة و نقاشات على ملفات أو قضايا وكاين اللي كيبغي يرتاح ويتصنت لعظاموا كيتكالمى

وكاين “رواد المقهى ”  ناس اللي معتادة على شرب القهوى  وعندها مكان مفضل كترتاح فيه ، هادشي كلوا مزيان  وفهمناه ..

ولاكين ملي كيزيد “مول المقهى”  فالثمن خاصنا نعرفوا أنه:  ماكيفرضشي عليك بزز تجي عندي أنا ومن غيري مكاينش ، نتا راه  عندك ” حق الإختيار ” حيث هوا عندوا مبررات معقولة ومنطقية للزيادة ومن ” حقوا ”  .. مايحتاجشي يشرحها ليك وأحنا قلبنا و جبنا البعض منها من قبيل  كيقول : عندي الضريبة على الفضاء اللي مستغلوا بشكل قانوني ، عندي نوعية ديال البن  و مأكولات بجودة  ، عندي موارد بشرية زعما الناس اللي كيخدموا فترة الصباح والمساء ، و كنوفر بأريحية وبكراسي وطاولات ممتازة جلسة فالمستوى وزيد ” فترة كوفيد 19 ” وقس على ذلك ….

هادشي كلوا عرفناه واللي خاص يعرفوا المواطن  أن هذا ” ملك خاص ” أولا _ و ثانيا راه إلا بغيتي تمشي ماحصرك حد وتقدر ماتجيش  فمرة حيث عندك عينيك كتشوف بيهم المزيانة والخايبة ورجليك كتمشى بيهم يديوك  تا البلاصة اللي بغيتي  وفلوسك فجيبك ماحيدهوم ليك حد كتقهوا بيهم  : فين كاين المشكل ؟؟

مثلا أنا كنشرب 4 ديال القهاوي فالنهار هادشي صحيا راه بزاف عليا وضرورة لجيبي وصحتي ولاكين هاد المسألة خلاتني نفكر  ناخد قرار ديالي أنني نحاول نشرب غي 2 قهاوي  منها نقتصد ومانهلكش راسي و فالمقابل إلا ماكانش عندي غاندير الساشية ديال القهوة د 1 درهم ونتنسم عليها و إلا ماعنديش  مانشربهاش كاااع والا توفرت الظروف نشربوها فبرج إيفل ولا فالسويد مور البحر  ، و واحد المسألة شخصية ماعنديش مشكل نتقهوى فالخرجة د المدينة  أو وسطها أو شمالها راه أمر عادي غير هوا الإنسان كيختار فين كيرتاح ومعامن .

IMG 20211203 WA0004

وفالأخير شكرا لهذا السرباي الأنيق المتواضع  الدرويش بحالي  واللي عندوا حسن المعاملة والبساطة فالتواصل وماكيخسر خاطر فهمتوني هادشي علاش درت هاد الصورة الجميلة مع هاد ولد الشعب .

IMG 20211203 WA0003

 

 

 

اقرأ المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *