?الرقمنة جات باش المواطن مايتبهدلش فالإدارة و يلقى اللي يخدم المصالح ديالوا .

رشيد كداح

في سابقة من نوعها في الجماعات الترابية بالمغرب رئيس جماعة صفرو رشيد أحمد الشريف و في إطار تحديث الإدارة والرقمنة .

جاب واحد الآلة اللي كتشتغل بالبصمات يعني الموظف أو الموظفة اللي جا بغا يسجل الحضور مايحتاجشي الستيلو والورقة أو التوقيع بطريقة تقليدية دابا فقط يدير الأصبع ديالوا ويتم تحديد الهوية وحتى الكنترول كتديرو يعني الوقت ديال الدخول والخروج من غير كاميرات المراقبة هذا نظام إلكتروني جديد .

رئيس الجماعة غادي مع التطور العلمي والتقني هيا كتبان خطوة بسيطة ولاكين الفضل ديالها على المواطنين كبير ملي سولناه قال : بأن هاد الرقمنة سهلات بزاف د الحوايج باش مايتعدبش المواطن ويتجرجر كيفما قالت وزيرة الإنتقال الرقمي .

وعطا مثال أن الإدارة المغربية اليوم ” كتلقا المواطن كيعاين الموظف فالإدارة واش جا واش مازال واش جا بلاصتوا شي واحد آخر أو متغيب” وأشار أن جماعة صفرو و المقاطعات التابعة لها و باقي المصالح إنخرطات فهاد العملية د الرقمنة اللي كتعتابر جزء من المشروع الرقمي اللي باغية تحققوا الوزارة ديال مزور فالمغرب .