جمال معتوق: المطالبة بفتح تحقيق في وفاة صلاح الدين الغماري .

مع  الحدث.

طالب الدكتور جمال  معتوق في تصريح لاحدى الإذاعات الوطنية الخاصة وزير الصحة بفتح تحقيق عاجل في وفاة  الصحافي صلاح الدين الغماري ، وطالب أيضا برفع دعوى  قضائية على وزارة الصحة بتهمة الإهمال و القتل الغير العمد

الدكتور معتوق صرح “ان المرحوم جاه ضيق تنفس و أزمة قلبية طاح مغمى عليه ، لكن تدخل طبيب جاره دار ليه الأسعافات الأولية massage cardiaque و تنفس اصطناعي bouche à bouche ، القلب بقا خدام في انتظار سيارة الأسعاف لي تعطلت نصف ساعة كاملة.

فاش جات سيارة الإسعاف لقاو القرعة خاوية من الاوكسجين و السيد كيموت خصو الاوكسجين ، تسناو سيارة إسعاف ثانية و فاش جات الثانية لقاو في القرعة الاوكسجين  غا شوية ، رغم ذلك طلعوه و دارو ليه هداك الشوية و داوه لأحدى المصحات..

فهاد الوقت صلاح الدين الغماري باقي عايش، لكن للأسف في المصحة مالقاوش ليه بلاصة ، مشاو يقلبو على مصحة ثانية .و في طريقهم لمصحة اخرى مول الأمانة دا امانتو.

وقال “اذن طبعا حنايا مسلمين وتنأمنوا بالاجل وتنأمنوا بالساعة وتنقولو ملي كتوصل ساعة الانسان ما كيستقدم ما كيستأخر هذاك هو الاجل.. ولكن الانسان كيخصو يقوم بالواجب ديالو والعمل ديالو ع احسن وجه.”

كيف يعقل ان سيارة الاسعاف تكون غير مزودة بقنينة ديال الاكسجين او قنينتين.. ؟!!!!!
مرة اخرى كتبين لينا منظومة الصحة ضعيفة جدا ولا ترقى الى مستوى الانسان المغربي والمواطن المغربي
فحرام استخفاف بهاد المسؤولية بالامانة لمعطية لناس لمسؤولين بهاد القطاع ما يكونش عندهم تتبع عن قرب لهاد سيارة الاسعاف باش حيت تيكون شي تدخل سريع جدا فواحد الازمة معينة تكون سيارة فالمستوى.
نتمناو من وزارة الصحة دير تحقيق فهاد الملف هذا تشوف واش فعلا كاين خطأ واش كاين تقصير حيت الا كاين تقصير اكيد غادي يكونو اجرائات قضائية وقانونية لمتابعة المقصرين.. لان هذي تيمكن لينا نسميوها يعني قتل غير العمد.. قتل ليس بالخطأ ولكن التقصير الذي أدى الى الوفاة بحالو بحال اي تقصير.. لانه كون كانت قنينة الاكسجين موجودة فداك الوقت يمكن يكون انقاذ ديال صلاح الله ارحموا..
ولكن مرة اخرى حنا معارفينش تنقولو الاجل هو هذا.. ولكن التقصير الا تبت كيخص تكون المعاقبة ديال المسؤولين..
اذن مرة اخرى هاد السؤال خاص يتطرح على وزير الصحة ..
واش كاين مراقبة لهاد سيارات الاسعاف لغير كنقبضو ونخرجو وهي ممزوداش بجميع التجهيزات .. واش كاين تقارير لكدار على الوضعية ديالهم على الحالة ديالم.. واش كاينة هناك جودة واش سيارات مزيانين.. واش نديوها غير فالسيارات الفخمة ديال المسؤولين وكنساو سيارات الاسعاف لغادة تنقذ حياة المواطن.. معرفتش شنوا مدى اهتمام الوزير بهاد السيارات. ولكن هذا فقط سؤال وتساؤل لعل الله يتير انتباه ديال هاد الوزير الصحة باش يهتم بهاد الموضوع ويشوف عن قرب اشنو كدار فهاد الموضوع.. واش كاين ما يدار آخر باش انداركو هاد الموقف بالنسبة لمستقبل ولا راه الحالة اتبقا هاكا بدون اي اهتمام لحياة المواطن..

الدكتور معتوق قال “أنه بحث على سيارة الإسعاف لي جات لمن تابعة و لقاها ديال وزارة الصحة ماشي ديال الوقاية المدنية لي من سابع المستحيلات تخرج بدون أوكسجين من الثكنة حسب القوانين الداخلية للثكنات.
وزارة الصحة مسؤولة و يجب تحديد المسؤوليات و الاشخاص الذين يتلاعبيون بحياة المواطن ، سواء صلاح الدين الغماري او اي مواطن مغربي.

تصريح حرفي لجمال معتوق