خطير …..جلاد في صفة أستاذ يقوم بتعنيف تلاميذ الأقسام الأولية بمؤسسة الفقيه محمد القري الابتدائية ببوسكورة
بقلم مول الحكمة
كيف قلت ليكم على بوسكورة كل نهار حريرة ومشكل كفس من خوه .كيفاش اشنو واقع تاني يارب السلامة .
لي واقع أن واحد الوحش ادمي وجلاد من العصور الوسطى تيمارس العنف ديالو على أطفال صغار عنده 6سنين ونص بلا حشمة بلاحيا والغريب في الأمر أنه ولا فرعون في مؤسسة الفقيه.محمد القري الابتدائية وحتى واحد مقدر يهضر معاه ليوم آباء وأولياء التلاميذ لي تعدى عليهم هاد الوحش الآدمي قرروا يخرجوا على الصمت تاعهم ويفضحوا هاد الممارسات الخاطئة لهاذ بوعو لي تيخلع. في انتظار تحرك مسطرة من السلطات الوصية على نيابة التعليم باش ياخد الجزاء ديالو قبل مايطيح شي روح في هاد المدرسة لي فيها أقسام بحال السوق في غياب مؤسسة تعليمية قادرة على تحمل الضغط لي على مؤسسة القري .
هادي رسالة خاصة إلى من يهمه الأمر بدون لغة خشب ولا زيف هدفنا نشر الحقيقة للرأي العام والشارع البوسكوري رآه عارف هاد الروينة لي تتوقع في هاد المدرسة لي فعلا جات في منطقة منكوبة بسبب سوء تسيير المسؤولين ليها منذ سنوات. …
هادي فهامتي وهدا جهدي عليكم أولاد بوسكورة الأحرار.
يتبع ….
شارك هذا المحتوى:
إرسال التعليق