صفرو : مستشارات ونائبات فالمجلس بينوا على حنة إديهوم وأيديهن نظيفات .

رشيد كداح _ صحافي متدرب 

لقاء برنامج العمل جماعة صفرو اللي ميزو بزاف هوا حضور مكثف  ” للعنصر النسوي ” من مختلف الفعاليات و بالخصوص غانتكلم على منتخبات د الجماعة نائبة الرئيس ” مرية بيضاوي”  اللي ترأست الورشة وكانت موفقة فالتأطير وعندها قدرة على التواصل حيث تمت مناقشة العديد من الإشكاليات فالصحة والتدبير المفوض والبنية التحتية وقدمات تقرير مفصل على ” سير الأشغال والتوصيات” .

 إلى جانبها المستشارة البامية  ” رشيدة بوشنينة ”  اللي كتشتغل في صمت ومثقفة دارت جهدها فورشة أخرى بالمركز المتعدد الإختصاصات و سجلات مجموعة من الملاحظات ديال المواطنين والمواطنات  و نقاط مهمة مرتبطة بالمدينة وإشكالياتها اللي غادي توصلها لرئاسة المجلس .

وما نغفلوشي الدور الذي لعبته “مديحة الزهر” اللي وقفات على الترتيبات ديال الورشات و كانت بدورها كتسير ورشة بطريقتها  الخاصة والقانونية وكانت قاسحة فبعض المداخلات . 

مانساوش أن الورشات سجلت تفاعلا كبيرا من طرف المستشارات  : خديجة نشاد ، صوفيا بنسعادة ، منية ظريف ، هند عراقة و جميلة بونور   . 

واللي فعلا عندهم طموح فهاد المجلس لتنزيل برنامج عمل الجماعة وتغيير المدينة  .