عيد الاضحى ….. استهلك بلاما تهلك. …..أجي تعرف السن ديال الاكباش انطلاقا من الأسنان ديالهم .

مع الحدث .

#سنان الحليب : من الولادة إلى 12 شهر
اسنان قصيرة وصغيرة في الحجم ورقيقة كيصلح الشواية و الطاجين و فتي في الطياب السمونية زيادة اذا كان التهلو و هو الأغلى سومة في السوق
#ثني : من عمر 12 إلى عمر 16 شهر
ظهور سنين عريضتين كيصلح للطاجين والشواية فتى في الطياب ملحم كثر مامشحم إدا كان التهلو هو الأغلى سومة
#رباعي : من 16 شهر إلى 24
ظهور أربعة أسنان عريضة الحجم كيصلح الطاجين كاياخد الوقت في الطياب مقارنة مع سنان الحليب و الثني و ناقص في الثمن على سنان الحليب والثني
#سديس : سنتين إلى ثلاث سنوات
ظهور ستة اسنان عريضة في الحجم كيبغي تسد عليه الكوكوط وعطيه العافية بالزايد إذا بغيتيه يطيب وشوف تشوف … ماساويش الثمن
#جموع_صغير : من ثلاث سنوات إلى اربع سنوات
اسنان عريضة متآكلة من الأعلى وبدون فراغات بين الأسنان فين ماتزيد العافية مايزيد يكنزز و تايكون رخيص في الثمن
#جموع_كبير : من أربع سنوات إلى 6 سنوات
ظهور الفراغات بين الأسنان المتآكلة و إذا بغيتي تطيبو خاصك كونطرا مع مول البوطات و الثمن بحال غادي تشري بطاطة.
#مطيح : سقوط الأسنان عمر اكثر من 6 سنوات بداية تساقط الأسنان … هذا هو لي كاتطحن كفتة و كيتصلوب به صوصيص الثمن ديالو فابور غير باش يفك .