عيش نهار تسمع خبار. …. واش مول الحريرة لي في بوريكوما عندو الحصانة البرلمانية ولا اشنو ….؟

بقلم مول الحكمة.

كل نهار خبار وكل خبار تتنسيك في خبار بكل صدق وبكل اعتبار هادي حكاية الواقع الكارثي لي تتعيشو منطقة بوسكورة عامة وحي بوريكوما المنكوب خاصة …

من الحريرة و البيصارة للقمر والحشيش والبوفا .

بعد ما دوينا في مجموعة ديال الملفات لي تتعرفها هاد المنطقة تنلقاو أن التحرك ديال السلطات الوصية جد ضعيف ماعرفناش علاش يمكن الحريرة لي تيصوب صاحبنا المسمار فكاك الوحيل تتوصل البركة ديالها للمسؤولين في المكاتب ديالهم ولا يمكن هما لي تيجو عندو مع 12 ديال الليل يأخذوها طبعا الروايات والقصص كثيرة في هذا الباب ولكن ألا تفتح تحقيق غادي نعرفوا امتدادات هاته الشبكة لي فيها فلان وفلان وكلهم عايشين من الاكراميات ديال مول الحريرة لي نصب راسو الأمين العام للأمم البوسكورية وتيقول لعباد الله انا مول البلاد ونسا وأقيلا أن هاد البلاد السعيدة عندها ملك الله يحفظو وينصروا قادر يغبر ليك الآثار انت وهادوك المسؤولين الفاسدين من فوق الأرض ماشي غير من بوسكورة حنا معاك حتى يبان الحق والشباب لي طاع مستقبالهم بسبابك غادي تبقى اللعنة ديالهم تبعاك حتيل غدا يوم القيامة .
لأن الظلم ظلمات والساكت عن الحق شيطان أخرس .

هاشتاك ### يوميات مول الحريرة البوسكوري ##

هادي فهامتي وهدا جهدي عليكم أولاد بوسكورة الأحرار.
يتبع. …