فلاش …. شوية ديال الشتاء عرات واقع البنية التحتية ديال بوسكورة …في غياب المسؤولين؟
بقلم الحاج مول الدوية والقلم.
الو…. الو…. الو …. المسؤولين ديال بوسكورة ؟؟؟
إن الخط الذي تطلبونه غير مشغل أو خارج التغطية ….؟
حقيقة ولات عنوان بارز للوضع الحالي لمنطقة بوسكورة لا واد حار لا طرقان لامرافق لامستوصفات ديال القرب لا مدارس لا من يدوي على هاد الناس في مجلس المدينة ولا في قبة البرلمان مجرد وعود انتخابية كاذبة دامت لسنوات مع مجموعة ديال الصفقات العمومية المشبوهة لي دازت كيف البرد وبقا المواطن البوسكوري يحلم بغد أفضل كيف كان تيقول واحد رئيس ديال الحزب ايام الحملة الانتخابية تستاهلو مااحسن وملي نجح وشد كرسي رئيس الحكومة وضر كلشي هاد حال المسؤولين ديال هاد البلاد السعيدة لي خدا منصب تيضيع معاه أمة ديال ولاد الشعب .
بوسكورة المنكوبة خاصها برنامج وخطة عندها أسس قوية ماشي الخطط والبرامج الترقيعية والدليل راكم شفتوه صبات الشتاء الحفاري بانو والجماعة غرقات والقوادس ديال الواد الحار تفرقعوا يعني كلشي تعرا ومابقا مايتخبا هادي رسالة للسيد وزير الداخلية باش يدخل في هاد الإمبراطورية لي فيها كلشي عوج ولكن جا الوقت باش هاد الأمور تصلح بإرادة ديال مسؤولين عندهم غيرة على هذا الوطن .
انا قلت كلامي وانتما ديروا خدمتكم.
رسالة بدون لغة خشب للمسؤولين بالإدارة الترابية.
هادي فهاهمتي وهذا جهدي عليكم أولاد بوسكورة الأحرار .
يتبع. …
شارك هذا المحتوى:
إرسال التعليق