فلاش … ماالسر في ربط أنابيب المياه لسقي المساحات الخضراء الغير الموجودة اصلا بمنطقة بوسكورة ؟ .

بقلم مول الحكمة

اشنو خاصك العريان خاصني الجردة امولاي .

في ظل سنوات الجفاف المسؤولين باغيبن يسقيو الجردة .
نعم السي .
بوسكورة المنكوبة المهلوكة على جميع الأصعدة والمستويات ليوم حكاية أغرب من الخيال .
بعدما فاقوا شي مسؤولين في بوسكورة وبداوا تيدوزوا التيوات في الشوارع باش يسقيوا الجرادي لي ماكينيش اصلا في منطقة أقل مانقول عنها أنها خارج نطاق مشروع تهيئة مدينة الدار البيضاء والغريب في الأمر أن هاد الناس خدامين تيحفروا في الشوارع هاد الأيام يعني ميزانية الحفير كاينة وميزانية تهييء مقبرة لدفن موتى المسلمين ماكيناش هذا دليل واضح على سوء التسيير والتدبير من رئيس المجلس الجماعي لبوسكورة والطبقة لي معاه لي نساوا أهم متطلبات ساكنة منطقة بوسكورة تحت شعار ” نعم للعشوائية ولا لحسن التدبير ”

رسالة خاصة إلى السيد عامل عمالة النواصر لي عارف كلشي وساكت على هذا الكوارث الحقيقيةلي واقعة لماذا الله أعلم؟
هادي فهامتي وهذا جهدي عليكم أولاد بوسكورة الأحرار.

يتبع