” ليلة أهازيج ” ها شكون ضرب تامارا رئيس المنطقة الأمنية و المسؤول على القوات المساعدة ، فريق الوقاية المدنية و السلطات المحلية .

رشيد كداح

مهرجان صفرو اللي تنظم فالنسخة الثانية ديالوا هاد السنة يوم الجمعة كان أول أيامه الجمعة 29 يوليوز الجاري ها فرق التبوريدة ها الفرق الفنية ديال الحيدوس وكناوة وعروض موسيقية ، المدينة كانت عامرة وخصوصا أحياء الرفايف / ساحة مساء اللي فيها الخيام د الخيل  و باب المقام اللي محطوطة فيها المنصة .  

الملاحظ أن مسؤول ” القوات المساعدة” جند الطاقم ديالوا اللي كان الحضور ديالهم مكثف ومنتشرين و التعامل ديالهم مع المواطنين والمواطنات بحنكة .

 ورئيس المنطقة الأمنية بمعية الفريق ديالوا  اللي رصد المناطق والبؤر ” السوداء ” و عطا تعليمات إستبقاية لضبط عمليات السير والجولان و الصهر على اليقضة الأمنية فأي عملية إجرامية أو حالة تشويش وسط المدينة أو فالبلايص اللي فيها إكتضاض ديال المواطنين وهادشي بتنسيق و دعم من والي أمن فاس اللي عاد تم التنصيب ديالوا  .

 أما السلطات المحلية ” قياد المقاطعات  ” كان عندهم دور كبير وعطاو توجيهات لأعوان السلطة الشيوخ والمقدمين  اللي رافقوهوم باش يتم ضبط المجال والوقوف على كل صغيرة وكبيرة  .

و المسؤول الكبير  على ” الوقاية المدنية ” والفريق اللي معاه دارو مجهودهم  خرجوا كاع التجهيزات واللوجستيك اللي عندهم فالمؤسسة ديالهم باش إداركوا المخاطر حتى هوما ماغفلوش على المواطنين .

و فهاد الصدد ” رئيس المجلس البلدي ” اللي غادي نختموا بيه نوه بالعمل والمجهودات اللي كتقوم بيها هاد المؤسسات واللي فعلا كان عندها تنسيق محكم مع ” الجماعة الترابية ” و  اللي كتعتبر شريك رئيس فنجاح أي تظاهرة فأي مدينة .