بقلم مول الحكمة.
واش بوسكورة ولات منطقة منكوبة في المغرب والسيد وزير الداخلية مافراسوش. ؟
بوسكورة المنظومة الفاشلة في التسيير والتدبير على جميع الأصعدة والمستويات ولا شيء تحقق لحد الآن سوى الوعود الكاذبة والأماني الهدامة من طرف اشخاص معندهمش غيرة على الوطن .
الساكنة ليوم تطالب بزيارة رسمية لوفد وزاري يكون فيه السيد عبد الوافي لفتيت وزير الداخلية والسيد عبد اللطيف حموشي المدير العام للإدارة العامة للأمن الوطني ومراقبة التراب الوطني والمسؤول الأول عن جهاز الدرك الملكي الجنرال حرمو والسيد وزير التعليم والسيد وزير الصحة للوقوف على حجم الكارثة وبصراحة مكرهناش واحد اللجنة ديال الافتحاص المالي للوقوف على الطامة التسييرية لي تتعيشها المنطقة خصوصا ان الميزانية كاينة ولا شيء تحقق منذ سنوات طويلة لاطريق لامستوصف لا مدرسة لا كهرباء لا فضاءات خضراء وأش شعب بوسكورة جاي من شي كوكب آخر ولا شعاراتكم سالات ملي نجحتوا في الانتخابات.
آدن هناك خلل في شي جهاز انا غادي نتكلم بصريح العبارة جميع الاجهزة في بوسكورة فيها خلل وكلها خاصها تعاود لأن الأمور لا تبشر بخير وسنوات الظلم والفساد الإداري رجعات من جديد لبارح كان ظلم ديال سيدة آسية لي جات تكلم على حقها وثم الاعتقال ديالها وتحكم عليها ب6 أشهر نافذة واش هاد القصة غادي تمر مرور الكرام طبعا لا ونواعدوا القراء ديالنا أننا غادي نخدموا على ملفات خاصة لي يمكن تخلي مسؤولين كبار يتحاكموا في اقرب وقت اذا استمر هذا الوضع الكارثي في بوسكورة على ماهو عليه . لان المثل تيقول ليوم ليك وغدا عليك .
والعبرة بالخواتم
مول الحكمة قال المسؤولين نوضوا تخدموا وباركة من الوعود الكاذبة .
رسالة وصلات وانتظاروا نشوفوا خدمتكم على أرض الواقع .
هادي فهامتي وهذا جهدي على ولاد بوسكورة الأحرار.
صورة حقيقية تنقل معاناة تلاميذ المنطقة .
يتبع.
Share this content:
إرسال التعليق