مع قهوةالصباح… وأش في خبار السيد عامل عمالة النواصر والسيد باشا بوسكورة قصة عدد من المحلات التجارية لي معندها لارخصة لا والو وخدامة ليل ونهار ؟
بقلم مول الحكمة.
جمهورية بوسكورة العظمى وافلام لا تنتهي من سيناريوهات الفساد الإداري ؟؟؟
اشنو واقع خير وسلام تاني أسيدي ليوم عندنا قصة جديدة على منطقة بوسكورة ولا فيها كلشي مباح دون حسيب ولا رقيب باغي تبني مبني بشرط ميزي الزرقلاف عندك حانون خدم ليل ونهار بلا رخصة بشرط غير خلص التنابر ها الوقائع ميمكنش تشوفها إلا في بوسكورة هاد المدينة لي عرفت منذ سنوات فسادا إداريا خطيرا بسبب بعض السماسرية و أعوان السلطة الفاسدين لي دارو مابغاو في هاد المنطقة لي خاصها بزاف ولحد الآن السيد عامل عمالة النواصر ساكت على هاد الانفلات والفساد الإداري لي واقع في الملحقة الإدارية آرمل الهلال ملي تيدخل المواطن وهو تحت ضغط الابتزاز من عند بعض الموظفين وأعوان السلطة هذا دليل واضح على السيبا ولكن جا وقت باش هاد المهزلة توقف وكل ياخد العقاب ديالو يمكن تكون تقارير سوداء عن هاد الملحقة وتبان ملفات خطيرة ديال الابتزاز والرشوة إلا كانت لجنة تفتيش من الإدارية المركزية لهاد المنطقة المنكوبة باش نعرفوا الخلل فين كاين وعندمن وشكون ديروا واشنو الهدف من هاد السيناريوهات لي خلات منطقة بوسكورة باقيا في بلاصتها.
بزاف مايتقال على هاد المشاكل لي عمرها غادي توقف ولكن لازم يجي نهار هاد الفيلم غادي يكون ليه حد ونهاية.
رسالة خاصة إلى من يهمه الأمر في شخص السيدوزيرالداخلية والسيد عامل صاحب الجلالة على عمالةالنواصر .
هادي فهامتي وهادا جهدي عليكم أولاد بوسكورة الأحرار.
شارك هذا المحتوى:
إرسال التعليق