نبض الشارع …. ما هي قصة الاستفادة من العدادات الكهربائية ببوسكورة ؟

بقلم مول الحكمة النيسابوري

واش كوارث بوسكورة مزال مبغا تسالي.

بوسكورة كل نهار قصة وكل نهار حكاية قصتنا ليوم على المكانات ديال الضوء اه أسيدي سمعنا أن فيهم قصص وروايات إلا باغي تستافد منهم كيفاش وواحد العضوية في المجلس الموقر هيا لي مكلفة بيهم مع واحد المجموعة ديال السماسرية لي إلا ماخلصتيش ليهم اللعاقة ماتستفدش من المكانة هضرتي واضحة وريحتهم عطات وكلشي في بوسكورة ولا عارفهم أسيدي العامل راه هادا تيخدمو أجندة ديال مصالحهم ومصلاحة المواطنين في الزبالة حتيل لين غادي تبقى هاد المهزلة في بوسكورة هكا لي مبغاش يخدم شغل المواطنين يحط الساروت .
رسالة إلى من يهمه الأمر انا قلت كلامي ورسالتي رآها بلا لغة الخشب.
بغينا قرار في هاد النازلة .لأن بوسكورة خاصها بزاف.
الهضرة كثيرة ولكن عمرنا غادي نسكتوا حتى تقاد الأمور.

هاد فهامتي وهذا جهدي عليكم أولاد بوسكورة الأحرار.
يتبع