آش واقع ؟
عنف هناك .. و قلق هنا .
شي حاجة ما هياش.
البوهالي
قرار بالإغلاق تم تنفيذه من طرف أعوان السلطة … هادا واقيع …
بلاغ رسمي ينفي القرار ..
من أعطى التعليمات بالإغلاق .. ( عادة كتكون شفهية)
الموهيم ..
1 شي دول ديال الخاريج كنتظر تشوف خرانا … كنتظر تشوفنا قبائل تتصارع بالقرطاس ..
2 شي ناس ف الداخل خراو علينا بالبياه … استباحوا المال العام .. اختلاسات اختلالات .. تضارب المصالح .. داك الشي بالعلالي ..
احتلوا مؤسسات الدولة من جماعات محلية و برلمان و شرعوا قوانينهم على المقاس
في مجال العقار و الصحة / الأدوية …
فرضوا برامج تربوية و مقررات مدرسية تنشر الخرف و اللامعنى خارج منطق التاريخ و الجغرافيا … و العقل ..
توغلو في الإعلام و الصحافة .. فجاهرو بالتفاهة و اسسوا لها قواعد و أخلاقيات.
المغرب بلادنا … ديالنا …
نتخاراو كيفاش نبنيوه ..
لكن جامي حتى نفكرو كيفاش نريبوه … jamais
الكل عندو الحق يعبر .. بلا لجامات ..
الكل عندو الحق يقول واك واك ا عباد الله …
الكل عندو الحق ينتقد السياسات العمومية …
ما تنساوش ..
المغرب ماشي هو قطر اولا الامارات .
المغرب مسار قديم ديال ” دولة ”
تاريخ من الصراع حول” الغنيمة “قبل الأدارسة .. و بعد الادارسة…
المرابطون و الموحدون حكمو شمال أفريقيا و الأندلس من مراكش …
فهاديك الساعة :
الدوحة كانت خيمة او بير .
ابو ظبي كانت واحة او جوج ناgات.
الدراري / الدريات …
نصيحة من شيباني خواف .. إيه خواف.
خايف عليكم من شي ناس عندهم حسابات أخرى… يسرقو ليكم أحلامكم …
مطالبكم مشروعة … وي ..
من حقكم توصلو صوتكم … وي ..
لكن ..
تدبيركم لل ” مسار النضالي” ؛ كيف كتشوفوه انتوما ؛ فيه بزاف ديال المطبات و الحفاري … حذاري …
راكم ماشي بوحدكم … كاينين تجار الازمات ..
كاينين جهات ممكن لاعبة اللعب الخايب …
والله ولي التوفيق .
تعليقات ( 0 )