رشيد كداح
اليوم بالعشية خرجات دورية اللي إستمرات حتى لمنتصف الليل حضر فيها رئيس المنطقة الأمنية اللي كان مواكب التدخلات و متبعها خطوة بخطوة وكانت معاه فرق التدخل والدراجين والمراقب العام وضباط الشرطة .
فهاد الدورية كان كذلك باشا المدينة معاوية رفقة القياد د المقاطعات والشيوخ و المقدمين .
وكذلك مانساوش أنه كان حاضر معاهوم القائد الإقليمي للقوات المساعدة ورجال القوات المساعدة بفرق التدخل والسطافيط فيها المخازنية
كانت جولة ليلية على مستوى جميع البؤر والتجمعات السكنية و الأحياء منها المدينة القديمة ، بنصفار ، المنزه وضارو على المدينة ملي بداوها من باب المقام .
قامو بحملة تمشيطية واسعة اللي جات مع فترة الدخول المدرسي وخاصة أن المدينة إسترجعات الحيوية ديالها والناس دخلات من العطلة حيث إستهدفت الحملة فئات مختلفة و كانت معاينات قامت بيها السلطات العمومية وهادشي جا فإطار التنسيق بين المؤسسات من أجل إستسباب الأمن والسلامة د المواطنين فهاد المدينة وحمايتهم وجدير بالذكر أن كل واحد فهاد البلاد عندوا الإختصاصات ديالو والمهام المنوطة بيه كيقوم بيها في إطار ربط المسؤولية بالمحاسبة .
تعليقات ( 0 )