سكوب بوسكورة … اش هذا ### واش قنطرة بوريكوما طيح عليها صاروخ والمسؤولين ديال المنطقة في خبر كان؟

بقلم فيصل باغا.

اشنو عندنا اليوم على بوسكورة طبعا كارثة جديدة تتبين أن المسؤولين معندهمش غيرة قوية على ساكنة المنطقة والدليل هو هاد القنطرة الخطيرة لي ديما تتوقع فيها الكوارث والحوادث بسبب الأرضية المتهالكة ديالها كيفاش كلشي غادي يقول فين مشات الميزانية الجواب الصحيح مشات مع الواد وقرضوها أولاد الجواد لي خلو بوسكورة توصل لهاد المستوى الضعيف جدا .

حيث هاد القنطرة هيا الطريق الرئيسية لولوج مشروع بوريكوما لي قوادسو خانزين منذ سنوات في غياب واحد نائبة الرئيس لي شبعات وعود كاذبة في الساكنة طيلة فترة الحملة الانتخابية وليوم ولات متتعرف حتى حد خصوصا ملي نشرنا مقال حول عددادت الكهرباء والسماسرة لي خدامين تيضربوا في اللعاقة على ظهر المواطن الدرويش والمساحات الخضراء لي ماكيناش وظاهرة البناء العشوائي الريحة عطات وبوسكورة كلها في خبارها القصة والرواية ولكن الإخراج غادي يكون على يد مول الحكمة لي خلا الرسالة توصل إلى من يهمه الأمر.
الخير جاي ان شاءالله .

هذا غير فلاش ديال التشاش والحكمة بالخواتم.
هادي فهامتي وهدا جهدي عليكم أولاد بوسكورة الأحرار.
يتبع. .?
صور تصور حجم الكارثة التي تعانيها الساكنة ؟