سكوب ….ساكنة منطقة بوليكوما تستنجد بصاحب الجلالة الملك محمد السادس نصره الله للتدخل من أجل إنهاء مهزلة لامبالاة المسؤولين والمنتخبين بمنطقة بوسكورة .

بقلم مول الحكمة

اشنو واقع في بوسكورة ليلة امس لي خلا الساكنة المقهورة من الحكرة و الخنز دير وقفة احتجاجية سلمية وطالب بالانصاف من عاهل البلاد خصوصا أن كلشي عارف المشكيل وحتى واحد ماباغي يدير خدمتو بداية من السيد العامل والديوان ديالوا مرورا بالسيد الباشاوالقايد وأعوان السلطة لي تيقلبوا على الكاميلة طبعا بمشاريع البناء العشوائي لي ولات وصمة عار على جبين كل المسؤولين بالمنطقة ليختتم مسلسل سياسة التسويف بالوعود الكاذبة لرئيس المجلس الجماعي والأعضاء ديال المكتب ديالو لي عندهم كلشي وماقدروا يديروا في مشكل لي خلق أمراض مزمنة للساكنة ديال بوليكوما والأحياء المجاورة لها هادي رسالة خاصة لعاهل البلاد باش يعطي تعليماتو السامية لهاد المسؤولين لي ردوا بوسكورة غابة وهما فيها حطابة ومدورين بيهم النصابة ينهبوا في خير هاد البلاد الشريفة.

انا قلت كلامي ونتمناو الرسالة توصل باش أي مسؤول ماقدرش على المسؤولية يحط السوارت ولي تبتات في حقو السرقة والنهب ديال المال العام يتحاكم ويتحاسبوا معاه طبقا للقانون المغربي .
وزيدكم هادي حتى هيا.

✅ واش فراسكم أن هاد الرقعة الجغرافية لي فيها مشروع الأندلس كاتحتوي على ما يقارب 60 ألف شقة … نقدر نكون غالط ولي عندو معلومات دقيقة يصحح لي .

⛔ هاد الرقعة أ سيادنا فيها مدرسة ابتدائية واحدة فقط.
⛔ مافيهاش ولو ثانوية إعدادية
⛔ مافيهاش ولو ثانوية تأهيلية
⛔ مافيهاش حتى شي مساحة خضراء
⛔ مافيهاش حتى شي فضاء ترفيهي للأطفال

⬅️ من اللخر ما فيها والو بلا مانطولو الهضرة

⛔ واش كاتجيكم منطقية أن لي كايسكن فالأندلس بريستيج خاصو يطلع حتال إعدادية مولاي ادريس الأول ولي كايقرا فالثانوي التأهيلي يمشي حتال أبو حيان التوحيدي أولا فهدة بنت العاص ولي كايقرا فالجامعة خاصو ينقز الحائط ديال السكة الحديدية ويغامر بروحو باش يدوز للمحطة

? سؤال للناس ديال التعمير فهاد الجماعة المنكوبة … فين غادين بهاد بوسكورة ❓

.
هادا جهدي وهادي فهامتي.
ومسلسل نضال ساكنة بوسكورة مستمر حتى يبان الحق.
يتبع. …