سكوب …. بشعار الوعود الكاذبة و الكاذبة لا شيء تحقق لحد الآن بمنطقة بوسكورة المنكوبة.

بقلم فيصل باغا .

حكاية جديدة بطلتها مسؤولة بالمجلس الجماعي لبوسكورة كيفاش ها الفيلم تاني الفيلم قصتو أن هاد المسؤولة مكلفة بعدادات الضوء والماء والتطهير يعني كل مايتعلق بصحة وسلامة المواطن البوسكوري ولكن للأسف الشديد أن هاد المسؤولة مع السيد الرئيس مصوبات واد حار ماصوبات قوادس ولي باغي يدخل العداد ديال الماء خاصو يميزي اشنو اه اسيدي حيث هاد بوسكورة ولا فيها كلشي بحال هكذا والله ماجبدتي لفلوس لقضيتي غراضك كلشي غادي بالرشوة والا مخلصتيش يديروا ليك الجباد وتبقا حياتك كلها تحت الظلام هاد واقع بوسكورة لي ولات وصمة عار على مجلس جهة الدار البيضاء سطات كلشي كيتشكا من هاد العصابة ولكن جا وقت نكشفوا الحقائق للرأي العام الوطني والقانون ياخد مجراه لأن الكارثة الحقيقية ولات كتبان قريبة إلا ماتحلش مشكل الواد الحار في بوليكوما واعباد الله والمسؤولين والسي العامل واش باغيين الديور يطيحو على عباد الله العمارات راهم مشقوقين وحتى واحد ماتسوق والجريدة نشرات هاد المعطيات وباقي المجلس مزال مافاقوا نتمنوا ها المقال يفيقهم قبل ما يفوت لفوت ونشوفوا سيناريو زلزال الحوز كيتعاود بالدار البيضاء .
هادي فهامتي وهدا جهدي عليكم أولاد بوسكورة الأحرار.

يتبع. …