سكوب … فوقاش غادي تقاد الخدمات الصحية في بوسكورة واش حتيل عام الذي يبعثون. ؟

بقلم مول الحكمة.

اشنو عندنا ليوم من حكاية على بوسكورة المنكوبة .طبعا عندنا بزاف مانقولوا وما نكتبوا ولكن من الأفضل نمشيو دقة دقة ولكن موضوع اليوم عاجل ومستعجل ولا يقبل القسمة على 2 خصوصا ملي تتوالي صحة المواطن البوسكوري على المحك خاصنا نفيقوا من النعاس إلا كان السبيطار ديال القرب لي تبنا غير البارح ومافيهش الراديو والسكانير والتطبيب في المستوى يعني هناك خلل فالمنظومة الصحية في عمالة النواصر وحتى السيد رئيس الجماعة ديال بوسكورة يتحمل هذا الخطأ كيفاش لمنطقة فيها الآلاف المواطنين والا باغوا يتعالجوا خاصهم كلينك قطاع خاص ولا مستشفى ابن رشد لي حتى هو الراديو ديالو ديما خاسر ومافيهيش الأطباء واش تيعجبكم تلعبوا بآلام المرضى لي من الطبقات الفقيرة ،

ولا نسميوها انتكاسة قطاع الصحة في بوسكورة أحسن.
البارح كان اجتماع اسيدي في جماعة بوسكورة وحضر فيه طبعا مندوب الصحة ومديرة المستشفى وناقشوا عدد من المستشارين موضوع الصحة ولكن للأسف الشديد كيف ديما ماوصلوا لحتى نتيجة من غير الوعود الكاذبة لي ولات علامة تجارية مشهورة في بوسكورة المنكوبة الساكنة بغا قسم الولادة القيصرية وطبيب ديال التخدير قسم ديال الجراحة وخدمات الراديو و السكانير حيث نهار يكون هادشي في السبيطار ممكن نعرفوا أن هاد المسؤولين خرجوا من دوامة الوعود الكاذبة إلى العمل الميداني لخدمة المواطن خاصة وأن العشوائية في التسيير والتدبير تتعجب شي مسؤولين فاسدين في عدد ديال القطاعات الحساسة .

رسالة إلى السيد وزير الصحة للتدخل العاجل لوقف هاد المهزلة في قطاع الصحة بمنطقة بوسكورة لأن المعاناة حقيقة والا ماكانش تدخل ممكن دزاد كثر وكثر.

.هادي فهامتي وهاذا جهدي عليكم أولاد بوسكورة الأحرار.

صور الاجتماع المنعقد بجماعة بوسكورة.