بيِّي…
لميا أ. و. الدويهي.لبنان
بيِّي…
حْملتني بإيدَيك
وضَمَّيتني بعينَيك
مِن لمَّا عيوني
شافت نور عينَيك
بيِّي اللي إبنك حبَّيت
وعالكرامة والعزِّة ربّيت
بالعاطفة قلبي نمِّيت
والحِنيِّة فيِّي وَعَّيت
يا ما ليالي قضَّيت
تشقى تا فيِّي اهتمَّيت
كبَّرتني وعلَّمتني قيمة الحياة
وصيَّرتني متلَك رجَّال
فيه بينشاف الحال
إجا الوقت بشَيْبتَك إهتَم
بمحبِّة قلبي إرعاك
يا بركة هالبيت
اللي بفيَّاتها رح ضَلّ إرتاح…
لميا أ. و. الدويهي
١٣ /١١ /٢٠١٩
شارك هذا المحتوى:
إرسال التعليق