لازم إكتبلَك
لميا أ. و. الدويهي
لازم إكتبلَك
شو حسَّيت لازم إكتبلَك
وحُبَّ من السَّما إنقلَّك
كيف بتقول إنَّك مش خرج تكون
هيك الإنسان المنظور
وإنت بالحبّ هالقد مغموس…
حملت نير الحياة وحدك
من دون شريك يسندك
وضلَّيتَك ثابت
وبإبتسامة الصعوبات تجابِه…
المشوار بدُّو ميزان
يمشوه اتنين،
واحد من كل مَيل
وان رخي واحد يْهَدِّي التَّاني
والمسافة بيناتهون تْهادي…
صرت وحدك وبالإيدتَين
هالحمل حامل عالكِتفَين…
بقوِّة وحكمة قول اللاء اللي بتبني
ويضلُّو قلبك عم يقول النَّعَم اللي بتحيي…
عم صلِّيلَك ورح ضل صلِّيلَك
تا تضلَّك تسمع صوتو بضميرك
وكل ما شعَّلت قناديلك
صوتو للصلاة يناديلَك…
لميا أ. و. الدويهي
٢٨ /٤ /٢٠٢٢
شارك هذا المحتوى:
إرسال التعليق