مع اتاي الصباح. … ماقصة الوعود الكاذبة التي قدمها المنتخبون للمواطنين بمنطقة بوسكورة. ؟

بقلم الشريف مول الحكمة

انا مافهمتش ولكن انتما إلا فهمتو شرحوا ليا اشنو قصة الوعود الكاذبة لي قدمها المنتخبون للمواطنين بمنطقة بوسكورة ؟ واش تحقق منها شي حاجة ولا والو….؟ طبعا ولو؟

طبعا لي حاضر الفيلم غادي يقول ليك بزاف ديال الوعود لي معاها شوارع وعمارات ديال الكدوب ولكن آخر فيديو ثم النشر ديالو فضح المستور بالمنطقة أو بمعنى اصح عرى الواقع المزري لساكنة المنطقة لي عندها مشكل في عدادات الكهرباء لي طبعا هو تحت أمر أحد نواب الرئيس زيد عليه مشكل الخنز لي في القوادس ديال الواد الحار لي سنوات والهضرة عليه وحتى حاجة مداروها نمشيو المرافق الصحية لي حتى هيا في خبر كان لا أطباء لا ممرضات والعساس هو كلشي في مستوصف القرب ولاد بنعمر نخيلو هادشي كولو ونمشيو الكارثة الكبيرة ديال البناء العشوائي لي المقدمين دارو بيه لاباس في رمشة عين ولا حسيب ولا رقيب بني ليوم وغدا دخل مكانة ديال الضوء والأخطر من هادشي كولو اسكوبار لي تيبيع الحشيش والقرقوبي والبوفا في دوار الكوارث ومزال ماشدوه حتيل دابا واحد حمق مدينة كلها ولا دير بوسكورة في كرشو لأن خوه مقدم والأخبار في راسكم .
هادي البداية ومزال جاي الخير باش نعرفوا هاد الكارثة لي تتعيش فيها بوسكورة وشكون مولاها.
هادي فهامتي وهادا جهدي عليكم أولاد بوسكورة الأحرار إلى موعد لاحق أن شاء الله .
يتبع ..