مع قهوة الصباح. … أشنو ها الحريرة لي كاينة في بوسكورة عمارات تشققو بفعل الزلزال والمسؤولين في خبر كان.

بقلم مول الحكمة .

كيفاش عمارات مشقوقين والسلطات ناعسة ؟

Allo. Allo المسؤول allo شكون معايا …. معاك الشعب ¿¿¿ .

أشنو معاك الشعب أشنو لي واقع واش العمارات ديال بوليكوما مشقوقين وانتما مافخباركم ولو ملي ضرب الزلزال نهار الجمعة بزاف العمارات تشققات ولات كتشكل خطر على المواطنين لي ساكنين فيها وطبعا المسؤولين ديال المجلس الجماعي في خبر كان ولا مشاو لميريكان والسادة أعوان السلطة ديال ملحقة رمل الهلال دازوا هما والسي القايد وماشافوا ولو نسيت يمكن هاد المواطنين لي ساكنين في هاد العمارات معندهم قيمة عند المسؤولين لي تيعرفوهم غير وقت الحملات الانتخابية وملي تسالي الانتخابات وينجحوا ماتيبقاوش يشوفهم.

والله حتى مهزلة بكل المقاييس مزايدات سياسية حتى في خدمة المواطن البوسكوري لي عيا بالكذوب ديال هاد المسؤولين. لاطريق لا مرافق لا خدمة لاردمة غير البطالة وسياسة التسويف. والأخبار في راسكم.

ولكن هاد المرة رآه الكارثة الحقيقية قريبة ويقدروا يموتوا الناس إلا مكانتش لجنة دجي دير خدمتها لأن الهزات الارتدادية ديال الزلزال تقدر دجي في أي وقت ومبغيناش نسمعوا فاجعة أخرى في بوسكورة .
الهضرة سالات وبقا غير وقت الخدمة يا حاضرين ياغايبين كيف ديما.
انا قلت كلامي وانتما باقات عليكم الخدمة.

هادا كلامي وهذا جهدي عليكم أولاد بوسكورة الأحرار.
غير ملحوظة هاذ التصاور لي مع المقال راهم كلهم في مشروع بوريكوما وهادشي جا نتيجة القوادس الخانزين ديال الواد الحار لي دار شقوق في أساسات العمارات العلماء.
خليو لخنز تحت العمارات حتى يطيحو وما تلقاو مادجمعوا
يتبع. …