فلاش … وأش مول الحريرة مزال كيتحدى السلطات ديال بوسكورة ولا اشنو.

بقلم مول الحكمة.

بوسكورة والمشاكل ديالها لي معمرها غادي تسالي .
الفيلم الوثائقي ديال اليوم البطل ديالو واحد السيد عندو محل ديال الحريرة في منطقة بوليكوما وتيبقى حال حتيل 3 ديال الصباح كيفاش 3 ديال الصباح اه اسيدي مقدوش النهار زاد حتى الليل وهادشي كولو قدام عينين السلطات المحلية لي تتشوف ها المنظر وساكتة خصوصا أن مول البالون عندو علاقة معاهم في إطار مشروع ديال لافيرات المشبوهة في إطار التسمسير وداكشي والخبار في رأسكم لكن لي خلاني مانفهم ولو كيفاش هاد مول الحريرة ولات تتوصلوا الإخبار ديال الجندارم جايين عندو يمكن هنا غادي نطيحوا في إفشاء السر المهني طبعا المسؤولين عارفين العقوبة ديالو واشنو ممكن يوقع حنا بغينا غير القانون يطبق وها البطل يدخل سوق رأسو قبل ماتوقع شي جريمة قتل حدا المحل ديالو وتولي هضرة أخرى.
المهم انا قلت كلامي وانتما ديروا خدمتكم قبل مايفوت الفوت.
رسالة إلى من يهمه الأمر.

هادي فهامتي وهذا كلامي أولاد بوسكورة الأحرار.
يتبع. …