بقلم لحبيب مسكر
بغيت نولي مشهور😌
علاش لا، فهذ الوقت كولشي ساهل، بلاصت منبقا شاد كرسي فقهوة كنتفرج فتنس🫨، ونتناغر مع العشران “بارصا خسرات” “ريال غلبات” والله حتى شوهناكم
ياودي كما كتقول الواليدة الله اطول ليها فالعمر، قولو آمين🙏، ميرسي😘 شحال ضريفين 🤥🤥
واحد بوراص كيقول شحال حامض 🤢، اسيدي زيد عليه سكنجبير ونعناع وما سخون، هانت مع موخيطو 🍺 لا مشي (هدا الله إعفو) 😜 هذا 🍹
واا ضحك ابوراص، بناقص، فين خلينها؟ ها صبر مالك مزروب؟ ولفتو ملخص مبقيناش قادين نصبرو، برك جوج مرات على شاشة غادي تزرب لقدام 🤥، نخاف هير ترجعك لأول د صفحة
ناري😱 الواليدة تقلقات مكلناش شنو قالت 🤔 نسيت ههه، الله اسمح لينا من الوالدين، هذي قلتو آمين 😒 شحال ضريفين
قلت مع راسي علاش لا منديرش عمود أو صفحة نكتب فيها، واخا نقرا فيها بوحدي مشي مشكل، المهم نلقا فآخر العمود سميتي مكتوبة بالبند العريض 😁، ونسكرينيها، نكبرها، ونحطها فصطاتيات، وليت كاتب مشهور 🥱🥱
جاك نعاس ابوراص؟ صبر شوية، هاهما غادي يفرقو دواز أتاي، لعشا، حتى يجيو أهل العريس تعطلو 😜، راه جايبين شيخات 👀🧐
ناري تحلو عينيه وطار نعاس
قالوها اللولين “كولشي تعرف علاش طاوي إلا كحل”، راس خوكوم قرع 😌، ممحسوبش على هد المثل 😜
نرجعو لموضوعنا، بيغت نتشهر، لاكن سولت سي راسي، قالي: راك مسالي مع راسك، ويلا جاوبتك راه معندي ميدار 😱
ناري بوراص شنو قال، شحال قدييم 😳
ترررر بالمركشية، نعم آس، راني بيريمي، مشي هير قديم، لاكن حالف حتى نكمل، ياله موت بسم ابوراص 😝
نكتب فعمود؟ مشي صعيب، لاكن مشي سهل، إختيار الموضوع أولا
سي راسي قالي: بعد على السياسة، متهضرش على الحكومة، متهضرش على غلاء الأسعار، متهضرش على التضخم، متهضرش على شي حاجة تسد نفس لناس. ونا نقاطعو
أجي تهضر انت، شنو خليتي ليا؟ رگراگي 🥑؟
صافي نقلبوها تيكتوك، وكبسو كبسو
هو إقاطعني سي راسي مرتا أخرى 😤، قالي: “داكشي لي بقاليك”
شنو ندير؟ بناقص، هو يضحك: “هكا نبغيك، تكمش مع راسك، ومسح هد لحموضة ديالك، ولا غادي نبلوكيك!” 😒
أجي، كفاش غادي يبلوكيني؟ شي حد يقولي: “راسي بغا يبلوكيني”، كفاش؟ 🙄
زعما يقدر يطيح ديجانكتور على السيستيم كامل؟ 🤔
أناري 😱، يديرها، وقد بيها
فايت ليه جبد ليا ودني، وبلونطالي السيستيم سيمانة، وليت كنشوف من ودني، وكنسمع من نيفي، وكنشم من عيني
الحمد لله، مقربليش لفمي، خلاني كناكل به، وندخل ونخرج فالهضرة 😳
إلى ماتيقتونيش، سولوني 🤥
نحاول نكتب بحيطة وحذر، ياك ما يتقلق علينا 🥱🥱🥱
سير تنعس ابوراص، بقى تفوه علينا، ما كاين لا شيخات لا عشا، جابو الطلبة، طاحو على دكشي لي كاين، نعس وتغطى مزيان، لا يجيك بوغطاط
حنا فبلادنا كنسميوه “حمار ليل”، شكون إعقل على راسو ضربو حمار ليل؟ 😝
هذي نخليوها حتى يفيق بوراص، و نعاود ليكوم خبيرات من أيام الزمن الجميل، زعما كان مبوغص
ترررر بحال مرك لولة… إييه نعم آس
طلقوها تسرح، فكرة جديدة، نتمنى تنال الإقبال، إلى بوراص عجباتو الفكرة، نخليوها مرة فالأسبوع
ياله تهلااااو 👻👻
