زيد الخل على الخميرة …. القاودس ديال بوليكوما خانزين والمسؤولين ديال بوسكورة ناعسين .

بقلم الحاج مول الحكمة.
واش هادشي مزال مبغاش يسالي عندكم؟

اشنو هادا الاهمال وهذا التقصير تاني ليوم صبحوا قوادس مشروع بوليكوما مفركعين وطبعا السلطات المحلية والمسؤولين في خبر كان ؟ وشكون الضحية طبعا هو المواطن البوسكوري لي عليا مايشكي ولا من يجيب هاذ الفيلم كولو البطل ديالو مجلس جماعي ملي نجح في الانتخابات وهو تيعطي الوعود الكاذبة لي عمرها غادي تحقق وخا يبقا هذا المجلس 2 ولات آخرين الكارثة خلقات مشاكل صحية للساكنة وها الشتاء جاية اشنو ممكن يدار طبعا ولو لأن المجلس الموقر معندوش الميزانية باش يوفر متطلبات الساكنة لي تاقت فيه وصوتات عليه .

زيد عليها مسلسل البناء العشوائي لي خدام ليل ونهار في المنطقة وطبعا على عينك ابن عدي والسادة أعوان السلطة والسماسرية ديالهم هما الأبطال ديالو هاد المهزلة التسييرية خاصها حل لأن المشكل كبر ولا لازم نهضروا عليه خصوصا أن الصحافة والإعلام المغربي بجميع أطيافه كتب على الواقع الكارثي لي تتعيش فيه بوسكورة منذ سنوات ومقدروش المسؤولين وعلى رأسهم السيد عامل صاحب الجلالة على عمالة النواصر يدخل فيه ويعاقب المخالفين يعني بوسكورة بلغتنا ولات غابة والمسؤولين ديالها وأعوان السلطة حطابة وعصابة تيقسموا الوزيعة ومازال ماشبعوا .

رسالة خاصة إلى السيد وزير الداخلية والسيد عامل عمالة النواصر باش يوقفوا هذا السيناريو لي ولا وصمة عار في جبين هذا المسؤولين .
يعني بلغتنا الدارجة باركة ونوضوا تخدموا منطقتكم ولي عيا ومقدرش يحط السورات.
رسالة مفهومة جدا ومنكم لضميركم هادي فهامتي وهذا جهدي عليكم أولاد بوسكورة الأحرار .

حنا معاكم حتى يبان الحق هاد التصاور راهم غير ليوم وانتما حكموا.
يتبع. …