عين على بوسكورة … واش في خبار قائد الملحقة الإدارية الجديد لرمل الهلال عن خروقات التعمير لي في المنطقة ديالو.؟

بقلم مول الحكمة.

وأش في خبار القايد الجديد عن سيناريوهات البناء العشوائي في المنطقة…. اه ولا لا ؟

سؤال أصبح حديث الشارع البوسكوري خصوصا ساكنة منطقة رمل الهلال ؟ كيفاش غادي يتعامل القائد الجديد مع هاد الملفات الخطيرة في الملحقة ديالو خصوصا أن أبطالها مجموعة من أعوان السلطة الفاسدين والمرتشين لي ريحتهم عطات وفي وقت قياسي ولات عندهم الأملاك والعقارات واش هاد اللجان ناعسة ولا اشنو كيفاش مقدم لي كان كيتخلص 3500 درهم سابقا ودابا 4500 درهم يدير أراضي وعقارات في المنطقة ديال بوسكورة وخارجها وكلشي على عينك ابن عدي يعني جبدتي البكية تبني ودير لي عجبك ما جبدتيش نخليوك حتى تبني ونجيو نريبو ليك ليوم تأكدنا أن هاد اللوبي الخطير عندو امتدادات قوية مع مجموعة ديال المسؤولين وحنا بدورنا غادي نجبدوا الحقائق الخفية ديال هذا الشبكة حتى نشوفهم داخل أسوار السجن لأن هاد الفساد أصبح غير مقبول في الإدارة العمومية ولي ماقدرش يخدم المواطنين بكل نزاهة ومسؤولية يحط السورات بوسكورة ماشي غابة وانتما فيها حطابة وعصابة.
الرسالة إلى السيد وزير الداخلية والسيد عامل عمالة النواصر لوقف هاد الخروقات الغير المقبولة في حق المواطن البسكوري .
هادي فهامتي وهذا جهدي عليكم أولاد بوسكورة الأحرار.
الكرة الان في ملعب المسؤولين في انتظار القيام بالمتعين رسالة واضحة المعاني.
يتبع. …

لي كلشي كان خايف منها