بقلم مول الحكمة .
قصة جديدة كتبين سوء التسيير للشأن المحلي والداخلي لمنطقة بوسكورة واش هاد القرار جا على اقتناع ولا يمكن بتعليمات من شي منعش عقاري لي بان ليه لبلان في البقعة لي فيها المقبرة؟ ؟؟؟؟ أسئلة كثيرة وللأسف الشديد الاجوبة غامضة. …
.
مفاجأة صادمة قال ليك أسيدي ممنوع دفن الموتى في مقبرة سيدي قاضي بعد قرار صادقت عليه الأغلبية المعارضة ديال المجلس الموقر معمرهم تفاقوا وفي هادي سبحان الله العظيم تفاقوا بالزربة يعني القضية فيها أن وأخواتها .
ليوم مقبرة سيدي قاضي وغدا النوبة في مقابر سيدي النعيمي والعسارة والمحطة ومول الواد هاد المقابر كلها مستهدفة من قبل لوبي العقار لي شد بوسكورة وطحنها باش يدير مشاريع سكنية حتى ولو كانت على حرمة الأموات رسالة خاصة إلى السيد عامل عمالة النواصر باش يدخل لأن موتى ساكنة بوسكورة يجب اكرامهم بالدفن في مقابر اسلامية تليق بهم يعني بركة من سياسة صم الأذان على هاد الفوضى والعشوائية في التسيير لي دام 14 سنة دون حسيب ولا رقيب .
اللهم قد بلغت اللهم فاشهد ###حرمة موتى منطقة بوسكورة خط أحمر ###
هادي فهامتي وهدا جهدي عليكم أولاد بوسكورة الأحرار.
يتبع. …
بشرى مبكير 
admin