إقليم صفرو : ساكنة بتراب عزابة أحنا معزولين والرئيس أنا عارف الدولة شنو فيها

رشيد كداح 

نظمت ساكنة تابعة لجماعة عزابة وقفة اليوم الإثنين 29 ماي 2023 بعمالة صفرو حول مشكل الطريق .

 حيث تم التواصل مع الساكنة من طرف خليفة القائد الذي إستمع لهم أمام عمالة صفرو وأكد على ضرورة عقد لقاء بقيادة الواتة من أجل بسط  الإشكاليات المرتبطة بالمنطقة وخاصة  5 كلم ديال الطريق اللي نايضين عليها . 

في هذا الصدد  إلتحق جميعهم لمقر القيادة ، تم عقد لقاء مع قائد الواتة  لذي أمعن في الإنصات إليهم بعد أن فتح باب المداخلات شي كيقول : أحنا معزولين ، ومهمشين كنشوفوا المسؤولين غير فالإنتخابات و خنشة ديال الطحين باش توصل كنخلصوا عليها 150 درهم ، وخلاص المدرسة والتلاميذ مع الشتاء مانهضروشي ”  ، وأفاد أحدهم أن المواطنين كيضطرو إخرجوا من  البلاد  حيث الطريق ماكايناش وكايلقاو صعوبة كبيرة 

بعد ذلك تدخلت السلطات المحلية في شخص قائد القيادة الذي أكد في مداخلة له أن الدور المنوط به يقوم به و مسؤولية على عاتقه وأن السياسة بعيدة عليه والحزازات  السياسية ماشي شغلو فيها و الطريق اللي كتهضرو عليها غاندير خدمتي بتقرير  ونطلب لجنة وندير معاينة  ونشوف واش مبرمجة ولا لا في أفق أننا نلقاو الحل وكولشي كيتحمل المسؤولية  واللي كيهمنا هوا الساكنة . 

وفي الأخير إلتحق رئيس الجماعة ” رشيد كاضي”  اللي عندو منصب فمجلس الجهة وأكد على أن الجماعة من أفقر الجماعات وأنه سيحاول أن يطرق أبواب المجلس الإقليمي وهوا في تواصل مع مسؤولين بمجلس الجهة  .

وأكد ملوحا بوثيقة في يده أن هاد الطريق كانت عندها دراسة سابقة وتمت إعادة دراستها وحيدنا القناطر  ، وأنا كرئيس جماعة راه عارف الدولة شنو فيها والميزانية ديالها وراه يحكمني النمو السكاني ونسبة الساكنة اللي فهاد الدوار وداك الدوار وكانخدم دون تمييز ، ومايمكنش غنخلي الدواوير بلا طريق راه الميزانية د الجماعة ماكتساعدشي والا عولنا  على الجماعة راه ماكاين والوا خاصنا نطرقوا أبواب ونشوفوا إعتمادات من جهات وهادشي اللي كنحاولوا نقومو بيه .