اعتداءات بارون المخدرات ببوسكورة على المواطنين لازالت مستمرة في غياب السلطات.

بقلم مول الحكمة.

خرجة جديدة لبارون المخدرات وعصابته هاد المرة تعدا على مواطن بسيط بكلبوا وصحاب الحال في خبر كان لافير كبرات وطبعا السمسار دير خدمتو .
يمكن ولات منطقة بوليكوما في بوسكورة تتعيش تحت رحمة هاد السمسار و البارون لي ردوها قلعة محصنة يديروا فيها مابغاو وحتى واحد ما عندو الحق يهضر ولا يتكلم .
بطلنا هاد المرة تعدا على انسان بسيط وحرش عليه كلبوا والضحية هز الضربة وسكت واش هاد بوسكورة ولات فيها السيبة وحنا معارفنيش ولا بوسكورة ولات خارج نطاق التغطية .
فعلا صدق من قال إن لم تستحيي ففعل ما شئت .
هذا حال شعب عايش في بوسكورة وعايش سيناريو الرعب والخوف كل نهار والمخزن ناعس عارفين كلشي وساكتين على اسكوبار المفرعن مول الكلب .
الهضرة كثيرة والسكات حسن ولكن حنا مساكتينش حتى يتشد اسكوبار.
ومول الحكمة معاكم أولاد بوسكورة الأحرار حتى يبان الحق .
هادي فهامتي وهذا جهدي عليكم أولاد الشرفاء.

يتبع….