فلاش …. شوية ديال الشتاء غرق مدخل جماعة بوسكورة وفهم تسطا. ..؟

بقلم مول الحكمة .

واه واه على بوسكورة واشنو واقع فيها …..؟ براف مايتقال وبزاف مايدار ولكن شي مسؤولين الله يهديهم يخدمو غير شوية ويسدوا الخصاص لي محتاجاه الساكنة في عدد ديال المتطلبات العامة خدمة للوطن أولا والصالح العام ثانيا.

قصة ليوم قصة قصيرة غادي تبين حجم المعاناة لي تتعيشها ساكنة بوليكوما لي سنوات وهيا صابرة للخنز ديال الواد الحار والفيضانات ديال القوادس لي هلكوا الاساسات ديال العمارات السكنية وحتى واحد مباغي ياخد قرار باش هاد الأمور التقاد ليوم تشاء الأقدار الإلهية باش الأمطار تغرق مدخل مقر الجماعة ولات عندنا ضايت عوا ولكن المسؤولين الله يخلف عليهم دارو اللازم وعيطو للناس لي مكلفين باش هاد الفيضان مايبقاش يعني كيف درتوا تدخل في مقر الجماعة ديروه في مشروع بوليكوما وصلحوا هاد الإشكال وحنا طبعا كاعلام غادي نديروا مواكبة لهاذ الإنجاز العظيم لأن الساكنة تعاني وموسم الأمطار رآه دخل صوبوا قبل ماتوقع الكارثة في بوسكورة .
المهم انا قلت كلامي وانتما عندك واسع النظر في هاد الأمور الحساسة الخاصة بتسيير شؤون المنطقة.
رسالة خاصة إلى من يهمه الأمر.
هادي فهامتي وهدا جهدي عليكم أولاد بوسكورة الأحرار.
يتبع. ..