مع قهوة الصباح…..أين وصل مسلسل سماسرة البناء العشوائي بمنطقة بوسكورة

بقلم الشريف مول الحكمة.

فين وصلوا المهندسين ديال بوسكورة لي بناوا دار في رمشة عين والسي قايد في دار غفلون نعم اسيدي أسرع دار رابت والتبنات وكلشي داز على فول القايد وطبعا تحت إشراف الأساتذة المقدمين بزعامة السمسار لي داير مابغا في بوسكورة بشعار كول ووكل يعني هذا الشخص تيدير لي بغا في قلعة بوسكورة لي ولات عندو بحال الغابة وهو ورباعتو فيها حطابة ونصابة وعصابة.

ومنساوش مشكل الواد الحار لي ولا مخنز زناقي وديور حي المشروع السكني بوليكوما بدوار الدحامنة لي الناس تتعاني من الوعود الكاذبة ديال المسؤولين لسنوات طويلة دونما جديد يذكر .

هادي رسالة للقايد الجديد دار رمل الهلال باش يدير خدمتو لأن القضية فيها إن والطرح بدا يسخن على هاد الشبكة نتمناو التدخل ديال المسؤولين قبل ماتوقع الكارثة .

رسالة خاصة إلى السيد وزير الداخلية وعامل عمالة النواصر باش يديروا اللازم في هذا المشاكل لي تتعاني منها المنطقة ديال بوسكورة خصوصا ساكنة الملحقة الإدارية رمل الهلال.
هذا جهدي عليكم وهادي فهامتي .
يتبع. …