اشنو كاين في الكاميلة … واش عجلة التنمية وقفات في بوسكورة ولا اشنو السادة المسؤولين؟

بقلم مول الحكمة.

هادا النهار حلمت حلمة خير وسلام أن بوسكورة توقيتها جا.
وساعات التفلية سالات الناس باغا تعاون خوتها في فاجعة زلزال الحوز والمسؤولين ديال بوسكورة في خبر كان بسبب سياسة التهميش و لامبالاة لي داروها شي مسؤولين على المواطنين البسطاء بالمنطقة سنوات والساكنة كتسنى الفرج ولكن لا شيء تحقق يمكن السيد العامل ديال عمالة النواصر عندوا نظرة تنموية معمرها غادي تحقق إلى ماتبدولش شي وجوه لي عجبهم كرسي السلطة وخادمين تيبيعوا الوهم والوعود الانتخابية المزيفة للساكنة .
بوسكورة خاصها بزاف المنطقة ناسها أهل الكرم والجود .غير خدموا معاهم ولا حطوا السوارت .عيب بوسكورة تكون غابة والمسؤولين لي فيها حصابة…. باغيين يرضوها دجاجة تتبيض الذهب كيف دارين واحد العدد ديال السماسرية لي داروا الملايين غير بالتخربيق والتخطيط العمراني العوج في بقع أرضية تبنات بطريقة عشوائية. شفتو 20 تانية ديال الزلزال اشنو دارت في الديور ديال البناء العشوائي آلاف الموتى و ملايين الجرحى فيقوا قبل مايفوت الفوت وتاخدوا دنوب عباد الله لي يمكن يكونوا ضحايا ديال سوء تسييركم واحد النهار وخدمو ولاد المنطقة وحيدوا المزايدات الحزبية رآه المغرب لي عايشين فيه رآه مغرب واحد ونوضوا رسلوا المساعدات لساكنة الحوز لي محتاجة الإمدادات في هاذ الظروف الصعبة انا قلت كلامي وانتما بقا عليكم الفعل لأن في الشدائد فاش تيتعرفوا الرجال ولا عزاء للحاقدين .
رسالة خاصة وبدون لغة الخشب فاللهم اني قد بلغت اللهم فاشهد.
هادي فهامتي وهادا جهدي عليكم أولاد بلادي. رآه ليوم دنيا وغدا أخيرة.
يتبع…. ؟