حديث الشارع …. ما حقيقة مسلسل البناء العشوائي الذي لا ينتهي بإقامة البيضاء ببوسكورة ؟

بقلم مول الحكمة .

واش بوسكورة ولات غابة والمسؤولين فيها عصابة و نصابة و حطابة.؟
العشوائية بكل معانيها في التسيير؟

جيب الطاركس ريب اليوم وغدا جيب السيما والياجور والحديد وبني براكة ؟ فهمتو شي حاجة فهموني ؟ هاذي معادلة خصاها البروفيسور مول الحكمة باش تفهمها؟

سيناريو اليوم جا باش السلطات المحلية تبين للرأي العام أنها تحرر الملك العمومي وتحارب البناء العشوائي لكن في الحقيقة هادشي كولو افلام لأن البناء العشوائي خدام ليل ونهار وكلشي على عينيك ابن عدي والسبب السادة أعوان السلطة لي ولاو لابأس عليهم بين عشية وضحاها وكلشي واكل من قاع الطنجرة بشعار “كول وكول ” ومد امولاي أحمد ” والسي العامل ديال النواصر في خبر كان وهو ناس الإدارة الترابية كفى من إلا مبالاة ونوضوا تخدموا رآه الكارثة قريبة توقع في بوسكورة والدواوير ديالها .
رسالة إلى من يهمه الأمر .
هادي فهاهمتي وهذا جهدي عليكم أولاد بوسكورة العزاز.

صورة حصرية من مكان هدم بإقامة البيضاء.