بقلم مول الحكمة .
اشمن حريرة جاب لينا مول الحكمة
تاني في هاد الليلة ؟
خير وسالام ليوم قصة مول القهوة لي النهار وماطال خدام يحصد في اللعاقة في بوسكورة طالع. وكال نازل واكل ها.خونا هو لي تيعرف المسؤولين ولي عندو شي غراض يجي عند الشريف فكاك الوحيل يعني ميزي تاخد براءة ماكين حتى مشكيل وخا تكون قاتل رئيس ديال جزيرة الواق واق .
هاد السيد يدعي علاقته بمسؤولين نافدين والدليل انه نص بوسكورة ردها بناء عشوائي دون حسيب ولا رقيب والدليل أننا راصدين تحركاتوا هو وصاحبوا لي معاونوا في هاد لافيرات المسخين خصوصا أن القهوة ولات بلاصة قانونية ديال القمر بالليل والنهار وش موالين الوقت مافراسهم والو ولا اشنو فينهو السي المقدم ولا حتى هو واكل من الطاجين المهم الهضرة كثيرة وخاص المخزن يتحرك لأن. هاد القهوة ولات مركز ديال التعاطي للحشيش والقمر بجميع أشكالوا ولي خسر يمشي يأكل الشانطي.
انا هضرت وانتما ديرو خدمتكم قبل ما توقع الكارثة وطيح شي روح .
هادي فهامتي وهاد جهدي عليكم أولاد بوسكورة الأحرار .
يتبع. …
Share this content:
إرسال التعليق