adminبقلم الشريف مول الحكمة.
بشعار …. قولوا العام زين وبلغة الإهمال والتقصير في أداء الواجب الوطني لسنوات بقات منطقة بوسكورة تعيش تحت رحمة التهميش كيفاش لجماعة ترابية لي نسبة السكان ديالها بالآلاف تتعيش هاد الوسخ والخنز رغم الوعود الكاذبة لي تتعاود مع كل استحقاقات انتخابية ولكن دون جدوى العالم كولو شاف ضحايا فاجعة الحوز والمجهود لي دارو عناصر القوات المسلحة ورجال الوقاية المدنية وجميع أطياف الأجهزة وفرق الإنقاذ للوصول إلى الضحايا لي أغلبهم ماتوا بسبب غياب الطريق ومستوصفات القرب لي مافيهاش حتى قرعة ديال الأوكسيجين هادشي كولو ساهم في ارتفاع حصيلة الضحايا .
يامسؤولين بوسكورة نوضوا تخدموا وصوبوا قوادس الواد الحار في بوريكوما لأن القوادس فاضوا تحت العمارات ويقضروا في أي لحظة يطيحوا على المواطنين باركة من نفس السيناريو لي كلشي ولا حافظوا وعرفينوا كولو كذوب وتمثيل على الساكنة.
أنا قلت كلامي ورسالتي واضحة لوزير الداخلية وعامل عمالة النواصر لي في راسو كلشي ومبغا يدير حتى إجراء في حق منتخبي مجلس جماعة بوسكورة وعدد من أعوان السلطة لي خربوا المنطقة بملفات البناء العشوائي والسي الباشا والسي القايد عارفين كلشي وصاقلين. انتما سكتوا وحنا نهضروا…
بشعار ” كول ووكل ” “.وخيرنا مايده غيرنا. ”
هادا جهدي عليكم أولاد بوسكورة الأحرار .
ملحوظة الصور من عين المكان توضح كل شيء
يتبع. …
بوشعيب مصليح
admin
هند بومديان
