بوسكورة. …. ### واش ها القصة ديال الوعود الكاذبة ديال الرئيس مزال مبغا وتسالي.

متابعة الحاج مول الحكمة

بوسكورة كل نهار قصة وكل دقيقة فضيحة.؟

وحكاية وراء حكاية ولا عندنا سيناريو يصلاح يجي فيلم ديال الخليع كيفاش ملي ولات بوسكورة فيها الكوكايين والحشيش و البوفا والقرقوبي والسلعة تتباع بنهار وبالليل وحتى واحد ماقدر يشد هاد المروج لي معروف عند العادي والبادي زيد عليهم قضية الضوء لي ماكينش في مجموعة ديال الأحياء وعمليات النصب و الاحتيال لي ديرين مجموعة ديال المقدمين والرشاوي لي تتعطا كل نهار ولي دا فيها القايد السابق ديال ملحقة رمل الهلال واحد البركة ديال الملايين نعم اسيدي فاش قلنا غابة والمسؤولين ديالها حطابة نرجعوا للمهم في هاد القصة حكاية مجلس جماعي لي مقدرش يخصص ميزانية من الميزانيات تاعو باش يصلح قوادس ديال الواد الحار وملي الشعب دارو وقفة احتجاجية نهار الأربعاء بالليل شفنا كلشي جا وبدا الرئيس تيطل علينا من خلال الخرجات الإعلامية ديالو بحفنة الوعود الكاذبة لي عمرها غادي تحقق إلا ماكانتش محاسبة على الملفات والميزانيات لي دازت شحال هادي باركة من النعاس وفقوا تخدموا ساكنة بوسكورة لي عطاتكم هذا التقليد . وفهم الفاهم.
انا قلت فهامتي وانتما بلغوا الرسالة للجهة لي وقفات عجلة التنمية في عدد ديال المجالات في منطقة بوسكورة المنكوبة.

هادا جهدي عليكم أولاد بوسكورة الأحرار.
يتبع. ….