مع طاجين الغداء. ….فيناهو السي الباشا ديال بوسكورة من حقيقة سيناريوهات عدادات الكهرباء والبناء العشوائي لي خدام في المنطقة ليلا ونهارا والوعود ديال القنطرة لصالح تلاميذ المؤسسات التعليمية

بقلم مول الحكمة .

اشمن خبار عندنا ليوم على بوسكورة لخبار اسيدي لي عندنا فيها شبهة البناء العشوائي لي شي مقدمين دارو منو لاباس هما وواحد القايد كان في ملحقة رمل الهلال وكيف تنعرفوا في المغرب الا باغي تشد بلاصتك وماتحركش منها خاصك تميزي غير لاميز تتختلف من طريقة لطريقة خصوصا ملي تيكون ملف ديال البناء العشوائي فبعد ما تدوز عند واحد المجموعة ديال السماسرية لي معروفين بالمنطقة تيبدا مسلسل الوثائق القانونية تحت إشراف واحد الكاتب عمومي ومن طبيعة معاه واحد الموظف في مصلحة تصحيح الامضاءات وطبعا كلشي بمباركة السلطة المحلية لي تتخيط وتتفصل في المنطقة كيف بغات هذا دليل على وجود منظومة فاسدة في بوسكورة لي تتخربق في البلانات ديال لبني وفي ملفات الحصول على عدادات الكهرباء وزيد وزيد ولكن اليوم أصبح لزاما على السلطات الوصية في وزارة الداخلية تفتح تحقيق باش تعرف ملابسات هاد الملفات المشبوهة لي ريحتهم عطات في بوسكورة .

ونزيدكم قضية القنطرة لي تعتبر شي حاجة أساسية بالنسبة لتلاميذ المنطقة و3 سنين والوعود تتعطى على قبلها باش تصوب وطبعا مكاين ولو.

المهم الفاهم يفهم ولخبار في راسكم .
هادي رسالة إلى من يهمه الأمر بدون لغة خشب لي فيها أيادي خفية هدفها تدمير البنية التحتية لمنطقة بوسكورة
هادي فهامتي وهذا جهدي عليكم أولاد بوسكورة الأحرار.
يتبع.