شمس الحبّ

لمياء.أ.و.الدويهي.لبنان

شمس الحبّ

لمَّا الحبّ بيلامس
قلب الإنسان
بصير متل الشّمس
اللي بتضوي العتمات…
بتتوهَّج بكاملها
وبتحرق جوهرها
تا تعبِّي الكَون من ذاتها،
بِكمّ شُعاع من لهيب نارها…
بحرارة بتغمرها
وبالنُّور بتْوَهِّجها
وبتفرَح إنَّها حولها عم بتدور
وبمدار دفاها عم بتجول…
والأرض ما عندها شي
بالمُقابل للشمس تعطيه
غير إنَّها تنضَح بالحياة
تا بوجودها هالوجود ترضيه
وتعبِّي المَلأ ضياء…
وهيك القلب اللي بذاتو بيفيض
ما بينطر غير وجّ الحبيب
يغمرو الفرح ويملِّيه
ونور الحب يُضويه…
لميا أ. و. الدويهي
٢٨/٧/٢٠٢٠