الكاتب العام لعمالة صفرو ” فتح باب الحوار وإستقبل المواطنين اللي عند وليداتهم مشكل ديال النقل المدرسي ” .

رشيد كداح

اليوم فالصباح 05 /10 / 2022 جاو مجموعة من التلاميذ والتلميذات بمعية أولياء الأمور ديالهم من مركز صنهاجة ودوار سيدي يوسف بن أحمد وفعاليات المنطقة باش يشكيو على قضية النقل المدرسي وتجمعوا قدام عمالة صفرو .

ماتعطلوش عليهوم وفالحين ” الكاتب العام ” ديال عمالة صفرو دار معاهوم لقاء بحضور رئيس الدائرة و القايد ورئيس الجماعة والنائب ديالوا ولجنة كتمثل الطرف اللي كيحتج .

بعد تدارس المشكل ألح ” الكاتب العام دالعمالة ” على أن الملف خاصوا يتحل والتلاميذ مايضيعوش والمهم هوا يكملوا الدراسة ديالهم بأي صيغة و بلا مضيعة للوقت و تفاديا الهدر المدرسي فوسط الإجتماع تعطاو مقترحات كتصب في ضمان “حق التنقل للتلاميذ من أجل التعليم ” .

وفي هذا الصدد كانت مخرجات تفاعل رئيس الدائرة بمعية القائد ورئيس الجماعة و تم تحديد موعد الإثنين المقبل بداية الأسبوع لتفعيل الإلتزامات والوعود التي تقدمت بها الجهات المعنية لتدارك المشكل مع أولياء أمور التلاميذ .