بقلم الشيخ مول الحكمة .
كل نهار قصة وكل ساعة حكاية حول حقيقة الأوضاع في منطقة بوسكورة المنهوبة من طرف شي مسؤولين لي رجعوها غابة وهما فيها حطابة.
حكيتنا ليوم حول محتويات واحد الفيديو لي خلق ضجة كبيرة في الشارع البوسكوري ديال ظاهرة الكلاب الضالة في عدد ديال الأحياء السكنية بالمنطقة والغريب في الأمر أن الميزانية ديال حجز هاد الكلاب تم المصادقة عليها في دورة المجلس وفلوسها في خبر كان زيد عليها مشاكل الواد الحار لي ولا شوهة في منطقة بوليكوما والطامة الكبرى هيا الازبال والفئران والحشرات الضارة لي دارت ما بغات في الأطفال وفي الديور ديال ولاد الشعب لي ولا تالف بين الوعود الكاذبة ديالكم وبرامجكم لي محطوطة فقط على الورق وستبقى حبرا على ورق إلى أن يرث الله الأرض ومن عليها.
رسالة إلى من يهمه الأمر مقالاتنا ليس فيها أي تحامل على أي جهة سياسية حنا تنوصلوا رسالة الساكنة للمسؤولين الغيورين على مصلحة هاد الوطن لي خاصنا نعطيوه حقو بدون لغة خشب ولا وعود انتخابية كاذبة .
هاذا جهدي وهادي فهامتي أولاد بوسكورة الأحرار .
يتبع. ..
Share this content:
إرسال التعليق