مع قهوة الصباح ….. وأش الشفارة ولاو تيديروا مابغاو في بوسكورة والمخزن مافراسو مايتعاود .
بقلم مول الحكمة.
واش المخزن ماكينش في بوسكورة ولا اشنو …. ؟
قصة قصيرة ولكن أبعادها كثار في هاد بوسكورة ليوم توصلنا بفيديو جديد لعملية سرقة في حق شاب بحي لافارج المظلم طبعآ . من طرف عصابة إجرامية متخصصة في السرقات هاد ولاد الحرام استغلوا ضعف الإنارة العمومية لي كينة في المنطقة وقام واحد منهم بمحاولة السرقة المقرون بالتهديد بالقتل في حق الضحية وديما السبب في هاد الافلام الهوليودية تيرجع لأول حاجة لغياب مقاربة أمنية قوية في بوسكورة قادرة تغطي جميع النقاط السوداء بالمنطقة زيد عليها مشكل الإنارة العمومية لي مجلس الأمم المتحدة ديال بوسكورة ناسي يتفكروا في الدورات العادية الشهرية لي تيدر .
هاد مسلسل الرعب عمرو غادي يسالي وليوم قبل غدا ساكنة بوسكورة تطالب السيد عبد اللطيف الحموشي بخلق دوائر أمنية قادرة على محاربة شتى أنواع الجريمة خاصة الجرائم لي تستهدف المواطنين الأبرياء بدون وجه حق ولي الأبطال تاعها مسؤول فاسد باغي غير يجمع لفلوس ويعطي وعود كادبة للساكنة يجب محاسبة الكبير قبل الصغير لأن الملف كبير وخاصوا نظرة من الإدارة الترابية لي عندها جميع الصلاحيات بمعالجة مثل هاد الملفات المشبوهة.
انا قلت كلامي وانتما دروا خدمتكم وانت ولا انتما هادوك باردين لكتاف لي درتوا هاد الجريمة ديال السرقة هاد الأيام غادي طيحوا في قبضة العدالة باش القانون ياخد مجراه.
وللتوضيح الفيديو رآه عندنا ونحن في خدمة المصالح الأمنية حتى تقوم بالمتعين في حق هاد الجناة ….
هادا جهدي عليكم أولاد بوسكورة الأحرار.
يتبع….
شارك هذا المحتوى:
إرسال التعليق