بقلم مول الحكمة .
………ALLO المسؤول ALLO……. المواطن …..
آشنو واقع عندكم لا ولو غير القادوس ديال الواد الحار تفركع في بوليكوما صافي قطع غادي نقوموا بالمتعين ونرسلوا الكاميوات حالا حالا حالا حتى معرفوش المواطنين انا حالا هضر عليها هاد المسؤول…. ،!!!
وبقا المواطن مسكين كيتسنا في هاد الكاميو لي عمرو غادي يجي والواد الحار مفركع وريحة الخنز ديرة مبغات في الشوارع وحتى واحد ما علا بالو بحال رئيس الجامعة بحال الأعضاء لي معاه بحال السيد الباشا والسيد القائد وعصابة المقدمين لي معاه لي يوميا تيشوفوا آشنو واقع وساكتين على هذا الشوهة لي عرات واقع البنيات التحتية في بوسكورة لي ولات بحال الغابة كلشي باغي يضرب الضربة ويهرب ولكن جاي نهار لحساب وكيف قالوا سيدنا زمان عند الفورة يبان لحساب.
يمكن ساكنة بوسكورة تفاجئ بشي زيارة ملكية على غفلة باش ينوضوا على المسؤولين يخدموا ويديروا اللازم لأن الغضبة الملكية ديال سيدنا تتساوي الكثير عند عدد من المسؤولين لي تيموتوا على المناصب والكراسة.
هذا واقع حال بوسكورة كلها نهار قصة وحكاية جديدة حتى يبان الحق وتقاد هاد المنطقة لي تتشكل كنز كبير لصحة بيضاوة ولكن هاد المسؤولين الله يهديهم على رأسهم مبغاوش يخدموا لا هما لا ناس ليديك.
باركة وفيقوا قبل مايفوت الفوت ودجي الموت.
هادي فخامة الكلام لمصلحة ولاد بوسكورة الأحرار.
والفاهم يفهم راه ماشي بالبناء العشوائي و بالمشاريع المشبوهة والصفقات لي فيها إن والرشاوي غادي نديروا لاباس بلدنا فيها خير كثير لي أي واحد راعا الله في نفوسوا وفي المنصب لي خدام فيه من أجل خدمة الساكنة .
انا وجهت الكلام ونتمناو تفهموا المعنى ديالو.
هاذا جهدي وهادي فهامتي. ولا حياة لمن تنادي. في هذا بوسكورة وفي هاد عمالة النواصر.
صور حية لحجم الكارثة وحتى واحد مباغي يدخل.
يتبع. …
Share this content:
إرسال التعليق