مع اتاي لعشية …. وأش مول الحريرة السميسير ديال بوريكوما مبغاش يحشم ولا اشنو ولا يمكن المخزن ماكينش في بوسكورة

بقلم مول الحكمة.

فين و صل جديد مول الحريرة لي حال لي ونهار وما علا بالوش.

بوسكورة المنكوبة المقهورة لي معمر شي حاجة فيها غادي تقاد معرفتش علاش ، ليوم خرج لينا واحد مول الحريرة لي عندو ساروت كلشي في بوريكوما وبوسكورة ولي بغا لفكاك يجي عندو النهار كامل هو يدور من المقاطعة للجماعة للقيادة ديال الدرك للمحافظة سبع صنايع والرزق ماضيع اسيادي هاد مول الحريرة والحرشة والمسمن بعد مقال مول والحكمة ولا تيسد باب محالو ويدخل الكليان من الباب للور ويبقاو على النشاط هادشي كولو طبعا في خبار السلطات وديرين عين ميكا على مول هذا المحال لي من ولو ولا لاباس عليه هنا خاص نسولوا راسنا من أين لك هذا وطبعا إلا درت فرقة الكسب الغير المشروع وعناصر الفرقة الوطنية التحريات ديالها غادي تبان حقائق خطيرة في هذا الملف حنا بغينا شباب بوسكورة مايضيعوش وكيفاش هو من دون البشر كولو لي بقا خدام حتيل 2 ديال الليل هادي رسالة خاصة إلى من يهمه الأمر ياديروا خدمتكم ياغادي يجيو ناس من ماتتعرفوهمش غادي يديروا خدمتهم. المهم يوصل وقت السدان سد .
انا قلت كلامي وانتما ديروا خدمتكم.
وعين مول الحكمة على بوسكورة حتى تقاد وترجع لأيام العز.
هادي فهامتي وهذا جهدي عليكم أولاد بوسكورة الأحرار.
يتبع…