مع فطور صباح …. اشنو حريرة هادوك المحلات التجارية لي تيبعوا الحلوى للشعب بلارخصة في بوسكورة.

مول الحكمة ..

بوسكورة كل نهار قصة وكل سيناريو ديال قصة بوجوه جديدة وشخصيات الهدف ديالها الأول تربح لفلوس مهما كانت الخسائر حتى ولو حساب يشوفو ولاد الشعب مراض الله يحفظ قصتنا ليوم قصة غريبة بطلها واحد مول الحلوة مع راسو ماكين لا حسيب ولا رقيب يعني بلغتنا الضرب والجرح ولي بغا يوقع يوقع السيد خدام عشوائي بلارخصة بلا حتى وثيقة وفاش تتوقع شي حاجة عاد يجيو المسؤولين يجيروا عند هاد السيد مول الحلوة وبالفعل دارو حملة وماسجلوا حتى مخالفة يعني القاضية ضاير فيها الباكية. الغريب في الأمر أن هاد الفوضى ديرينها أعوان السلطة لي تيشوفوا الخروقات وساكتين معرفناش علاش المهم القصص كثيرة وخاص لجنة تقصي الحقائق دجي من الرباط باش تحبس هاد المهزلة لي واقعة في بوسكورة تحت إشراف عناصر السلطة المحلية.
رسالة خاصة إلى كل مسؤول نزيه وباركة من الحملات لي بلافايدة .
هادي فهامتي وهدا جهدي عليكم أولاد بوسكورة الأحرار.
يتبع. …