بقلم مول الحكمة .
من أتاي للحرشة للمسمن للحريرة للعصيدة للبصارة للجوازات والكارطة ” تقمارت ” عنوان بارز لواحد الحانوت جمع هادشي كولو بهدف تقريب الإدارة من المواطن في منطقة بوسكورة .
هذا صاحبنا باقي ليه غير * 6 ومصلحة تصحيح الإمضاءات والجيش ويولي هو الإمبراطور ونبقاو نقولوا إمبراطورية بوسكورة العظمى لي بسبب سوء التسيير ديالها شي ناس ولاو معتابرين رأسهم فوق سلطة القانون ونساو أن السمطة تضور مول البيصارة بعد 2 ديال المداهمات من طرف عناصر الدرك الملكي رجع عاوتاني يحل حتيل 3 ديال الصباح معرفتش هادشي واش قانوني ولا كاين شيء سيناريو ديال الدغميرة باللحم والبرقوق تماك بغينا نشوفوا تطبيق القانون ماشي الافلام الوثائقية والتصاور المحروقة ريحتكم عطات للكبير قبل الصغير في بوسكورة .
ويمكن جاء وقت الحساب ومراجعة الأوراق باش نشوفوا هاد الثروات الطبيعية منين جات والمصدر ديالها وشكون الأيادي البيضاء لي واقفة مع سمسار الحومة في هاد الخرق الواضح للقانون لي ماتيعرفش باك صاحبي بشعار ” لي طاح في المقلة يتقلى ” ونواعدكم بالجديد أن شاء الله في أقرب وقت. باش نعرفوا فعلا واش كاين القانون ولا لا في هاد البلاد.
هادا مساج لمن يهمه الأمر ولي عاجبوا حال هاد المنطقة المنكوبة المنهوبة لي ولادها تيضعوا يبقى ساكت.
انا قلت كلامي وانتما ديروا خدمتكم قبل ما يجي لبراني يديرها؟
هادي فهامتي وهذا جهدي عليكم أولاد بوسكورة الأحرار.
يتبع….
Share this content:
إرسال التعليق