بوسكورة … زرعوا النخل البارح لي مشري بالملايين واليوم حيدوه وزرعوا في بلاصتطو شي حاجة اخرى معرفناهاش ….كيفاش زعماء هادشي فهم تسطا

بقلم مول الحكمة.

بوسكورة وما ادراك ما بوسكورة؟ العشوائية في كلشي سبحان الله العظيم….
حكاية ليوم حكاية غريبة من وحي الخيال حكاية واحد الملايين ديال السنتيمات لي خرجوا من ميزانية الشعب ومشاو مع الريح في رمشة عين بلا حسيب ولا رقيب كيفاش وقع الله أعلم وشكون لي دار هاد المصيبة لخبار في راسكم طبعا حنا غير بقا الوسواس تيلعب في راسنا البارح كان النخل وليوم بدلتو النخل بشجر يعني الميزانية ضربات على 2 مرات ولكن هادشي واش في خبار السيد العامل المحترم ولا لا المهم ها ملف جديد عطيناه للمسؤولين على الله يتحركوا قبل مايفوت الفوت والساكنة المقهورة يضربها تران كيف ديما .

رسالة إلى من يهمه الأمر باش يتعرف شكون لي مسؤول على هاد المشاكل لي يمكن عمرها غادي تسالي بحال مشكل الواد الحار والخنز لي كاين في بوليكوما صور حشمنا نشروها للرأي العام و لكن أخوك مرغم لا بطل هاد واقع حقيقي للمعاناة وبدون لغة خشب.

أنا قلت كلامي في انتظار تدخلكم لي طبعآ عمروا غادي يكون الا مجاتش تعليمات من وزارة الداخلية.

وحنا لي تقريب الإدارة من المواطن غادي نوصلوا الرسالة للسي عبد الوافي لفتيت وزير الداخلية باش يتم النبش في ملابسات هاد الاختلالات لي ولات حديث الشارع البوسكوري ليل نهار ….
هادي فهامتي وهذا جهدي عليكم أولاد بوسكورة الأحرار.
يتبع….