تبركيكة. …. آشنو هادشي السيد عامل عمالة النواصر لي واقع في بوسكورة واش خبز الدار يأكلوا البراني

بقلم الشريف مول الحكمة

رآه قلت لكم سيناريوهات كوارث بوسكورة عمرها تسالي وطبعا البطل ديالها رئيس المجلس الجماعي لي ناوي يعطي 100 مليون لجمعية ماشي حتى ولاد المنطقة يعني غير محلية باش يديروا التنشيط الثقافي والرياضي بالمنطقة واش هادشي ماشي عيب 100 مليون تأخذها جمعية والجمعيات المحلية تتعاني من نقص المداخيل والمرافق الرياضية بالمنطقة زيد عليها غياب البنيات التحتية هادشي رآه هو نهب المال العام بطريقة مباشرة وقانونيا .
حنا طبعا درنا دورنا وهضرنا على هاد الكارثة قبل ما توقع خصوصا أن هاد الفلوس رآه كاين شي أمور أهم من الصرف ديالها في شي أمور تانوية وصوبوا غير قوادس بوريكوما والقنطرة لي تهلكات الأرضية ديالها وحبسوا هاودك السماسرية لي رجعوا بوسكورة بحال الكاريان وعندكم تنساوا ملف المقبرة حتى هو لي غادي يبقى تقليد في رقبتكم حتيل غد يوم القيامة .
نتمناو الفرقة الوطنية دير حل لهاد الافلام لي خلقات تساؤلات وسط الشارع البوسكوري .فهل من مجيب.
رسالة مباشرة ومافيهاش الشك غادي نحسوا بالتغيير في أقرب وقت.
هادي فهامتي وهادا جهدي عليكم أولاد بوسكورة الأحرار .

انتهى مولاي الفرشة في خدمتكم. .
يتبع.