مع فطور الصباح. … بوسكورة المدينة المنكوبة من سوء تسيير مسؤوليها امتى غادي تقاد الله أعلم؟ .

بقلم الشريف مول الحكمة .

بوسكورة واه واه على بوسكورة .
من أيام العز إلى سنوات الخنز .
هذا واقع الحال لي خلا ساكنة بوسكورة تحشم كيفاش وحنا تنقولو باغيين التغيير وبقينا تابعين الوعود الكاذبة والكلام المعسول ديال المرشحين ومن طبعة الحال ” الزرقلاف الانتخابية ” لي ولات شعار أي حملة انتخابية في العالم ولي بها طلعوا ناس لمراكز القرار ماعارفين مايدروا والدليل من هرم الحكومة مول حزب الحمامة لي عامين دابا وهو في المنصب ولحد الأن لا شيء تحقق عاد مدينة بوسكورة المنكوبة لي هيا جزء قليل من خريطة المغرب ولحد الآن مشكل ديال القوادس الخانزين ماقدراتش جماعة تصوبوا كلشي هربان من المسؤولية والسيد عامل النواصر ماباغش يدخل في هاد الملفات المشبوهة وفي عدد ديال الصفقات العمومية لي تدوز كيف البرد زيد عليهم شي ناس في وزارة الداخلية لي خلاو الملفات تتدجمع وكيتسناو التعليمات من عندمن الله واعلم.
صراحة هاد التسيير الغير المعقلن لا يشرف ساكنة بوسكورة ولي باغي يجي المكتب ديالو باش يبقا غير ناعس ومايخدمش مصالح المواطنين من الأفضل يبقى في دارو واش باغيين العمارات حتى يطيحو عاد دجيو تصوروا حداهم وباركة من هال الهبال والنعاس ونوضوا تخدمو قبل مايفوت لفوت.
وحنا معاكم حتى يبان الحق وترجع بوسكورة لأيام عزها.
رسالة خاصة إلى من يهمه الأمر.
هادي فهامتي وهذا جهدي عليكم أولاد بوسكورة الأحرار.
ونزيدكم رآه الميزانية كينة على الله غير ماطيرش مع الريح.
يتبع